Duke parë formën e Tiranës në këto javët e fundit, trajneri Cungu ka hartuar një strategji tjetër për të arritur te fitorja. Kryeqytetasit kanë mundur Flamurtarin në kampionat e gjithashtu në Kupë kundër vlonjatëve kanë kaluar më tej, pa harruar përballjen kokë më kokë me Teutën.
Panorama sport shkruan se, duke parë aftësinë e kundërshtarit në sulm, trajneri shkodran do të hedhë në fushë një skemë mbrojtëse, me qëllim që me “bunkerin” e krijuar ta ketë të sigurt rezultatin. Cungu pritet të rreshtojë një formacion me 5 mbrojtës.
Me kapitenin Shameti në krye që do të udhëheqë mbrojtjen dhe ekipin në fushë, trajneri do rreshtojë dhe Teqan në të djathtë të mbrojtjes, Krasniqi, Cuculi, e Shameti në qendër, Rrumbullaku në të majtë. Porta do të mbrohet si gjithmonë nga Stivi Frashëri. Mesfusha do përbëhet nga Et’hemi në të djathtë, Dzaria e Rroca në qendër, Melo në të majtë. Sulmi do të udhëhiqet i vetëm nga Vasil Shkurtaj.
