Pas ngjarjes së rëndë që u regjistrua pasditen e djeshme në qytetin e Patosit, ku nga përplasja fizike dhe përdorimi i armëve të ftohta mbeti i plagosur një 46-vjeçar, policia arreston autorin e dyshuar.
Në përplasje e sipër, Eduard Haxhiaj mbeti i plagosur dhe u transportua me urgjencë drejt Spitalit Rajonal të Fierit. Ndërsa në orët e parë të mëngjesit të sotëm policia lokale ka vënë në pranga autorin e dyshuar.
“Policia zbardh ngjarjen ku u plagos me mjet prerës 46 vjeçari E.H. Kapet dhe shoqërohet autori i dyshuar i plagosjes. Në vijim të ngjarjes së ndodhur sot në Patos ku mbeti i plagosur me mjet prerës shtetasi E.H, policia kapi dhe shoqëroi në Komisariatin e Policisë Fier autorin e dyshuar, shtetasin A.M, 45 vjeç, banues në Patos. Grupi hetimor po punon për sqarimin e plotë të kësaj ngjarje”, thuhet në njoftimin e policisë.
