Pasi u kualifikua në çerekfinalen e Kupës, Skënderbeu kërkon të ndryshojë kurs edhe në kampionat.
Kampionët në fuqi të vendit vijnë pas 6 humbjeve radhazi në kampionat dhe 3 pikëshi ndaj Laçit është më tepër se detyrim. Por përpos rezultateve një tjetër problem i ujqërve të dëborës është dhe mungesa e tifozëve. Diçka e tillë shihet dhe në çmimet e biletave për përballjen ndaj kurbinasve.
Në njoftimin e bërë pak minuta më parë, klubi korçar ka pasqyruar çmimet e biletave për këtë 90 minutësh. Çmimet për të parë këtë duel variojnë nga 200 lekë deri në 1000 lekë, tarifa këto mjaft të favorshme për tifozët, duke parë edhe rëndësinë e kësaj përballjeje.
