Takimi me studentët ekselent në qytetin e Korçës ka shënuar të tjera përplasje mes kreut të qeverisë dhe studentëve. Këta të fundit edhe pse kanë dëgjuar me shumë vëmendje kryeministrin nuk kanë nguruar të replikojnë me të, për të gjitha herët që Rama ka vendosur theksin tek ‘studentët ekselentë’
“Universiteti është i të gjithë studentëve dhe jo i vetëm atyre të ekselencës, pakti është nga ata studentët që protestuan atje jashtë pa dallim ekselentë apo jo. Këtu duhet të ishin përfaqësuesit e Këshillit studentor që përfaqësojnë të gjithë studentët dhe jo vetëm ata të ekselencës. Këtë duhet të korrigjoni së pari.”- tha studentja.
Ajo gjithashtu nuk pranoi që Kryeministri të shfajësohej duke vazhduar replikën e saj edhe pse Rama e ndërpreu me pretekstin se po tregohej pa eduaktë.
““Mungesa e edukatës nuk zgjidh gjë, edukata është shumë e nevojshme që njerëzit të merren vesh. Nëse biem dakord me mirësjellje jetojmë mirë, nëse biem dakord me të shara jetojmë keq’, u përgjigj Rama. /Boldnews.al/
