Të thuash “mjaft” nuk është gjithmonë e lehtë. Çdo marrëdhënie lind në kontekstin e një kuadri të veçantë dhe shënon një lidhje mes nesh dhe një njeriu tjetër, kjo është arsyeja pse për të thënë lamtumirë është një perspektivë e dhimbshme.
Megjithatë, siç thotë ajo shprehja e vjetër popullore: “Më mirë vetëm se sa në shoqëri të keqe!”.
Ndaj dëgjoni zemrën dhe largohuni nga dashuria toksike.
Lumturi (gati) perfekte- Dashuria toksike, jo gjithmonë shkon keq. Këto janë histori që kanë momente të magjisë së tyre, momentet të çmuara, lumturie pothuajse të përsosur dhe kjo është ajo që e bën të vështirë që të kemi një mendje të qartë. Këto raporte ushqehen me adrenalinë, si një drogë e padukshme, por: Kini kujdes kur ditët e mbushura me lot fillojnë të jenë të shumta, ky është një alarm për t’u zgjuar.
Motivet- Zënkat nuk duhet të trembin, sepse bëjnë pjesë e jetës në çift. Sidomos në fillim debatet shërbejnë për të kuptuar më mirë gjërat. Duhet pak kohë për për të gjetur një recetë për jetë të lumtur së bashku. Megjithatë, kur ju ndiheni keq për shkak të debateve tepër të shpeshta është e rëndësishme të pyesni: Pse ndodh? Cili është shkaku i konfliktit?
Faktori ankth- Kur xhelozia është e pabazuar, ndjenja e fajit janë të vazhdueshme dhe britmat e transformojnë debatin në një luftë të hapur. Që kur e njeh këtë person jeta jote ka qenë e pasuruar me të qeshura … apo lot? Në thjeshtësinë e saj ekstreme, kjo pyetje do të ndihmojë për të reflektuar.
Vetmia- Dashuritë toksike në përgjithësi krijojnë boshllëk rreth nesh. Njerëzit që e duam largohen: Mbesim vetëm, e jo për arsye se të tjerët duan që të na largohen, por është lidhja jonë që i largon. Shpesh ndodh që ne të vazhdojmë duke gjetur justifikime, pa e kuptuar se hapi i parë për të përmirësuar jetën tonë është të mos bëjmë rolin e viktimës.
Zgjidhni- Çdo person ka përgjegjësinë e ekzistencës së tij: Në qoftë se ju doni të bëni një ndryshim në jetën tuaj, fillo duke rishikuar pikëpamjet tuaja lidhur me dashurinë. Romanca e vërtetë nuk është një puthje pas stuhisë, por të gjesh dikë që di të të kuptojë dhe përqafojë me të vërtetë! Duke të sjellë lumturi dhe shpresë edhe në ditët më të vështira.
https://www.youtube.com/watch?v=pbXMT1igaE4
Burimi: TgCom24
