Një nga figurat më polemike në jetën publike të vendit, vazhdon të jetë në vëmendjen e opinionit publik si dhe të ngjallë debate sa herë që flitet për krimet e komunizmit. Por, edhe pse me një famë aspak të mirë në memorien kolektive, të shumtë janë ato që e kujtojnë dhe e urojnë jo vetëm për cdo datë të shënuar ‘të kohës së saj të artë’ por edhe për ditëlindje.
Sot, ajo mbush 98 vjeç dhe familjarët e saj nuk i kanë kursyer urimet në rrjetet sociale. Teuta Hoxha,nusja e djalit të saj është ajo e cila e ka rikthyer në vëmendje Nexhmie Hoxhën ku përmes një statusi në Facebook uron vjehrrën e saj me rastin e ditëlindjes.
“Sot për familjen tonë është një ditë e veçantë, 98-vjetori i datëlindjes së Nexhmije Hoxhës”, shkruan Teuta Hoxha përkarah një fotografie të hershme të Nexhmijes me bashkëshortin e saj Enver Hoxhën.
Duket e habitshme por në vazhdimësi të debateve lidhur me ndryshimin për moshën e daljes në pension, rasti i Nexhmije Hoxhës dhe jetëgjatësia e saj mund të konsiderohet ‘frymëzim’ për pensionistët dhe vendimin e qeverisë për rritjen e moshës së pensionit. /Boldnews.al/
