Holanda është përfshirë në diskutime diplomatike me Rusinë lidhur me rolin që Moska ka për rrëzimin e një avion pasagjerësh mbi Ukrainë në vitin 2014. Autoritete holandeze i kërkojnë Rusisë që të mbajë përgjegjësi ligjorë dhe lajmi është bërë i ditur nga Ministri i Jashtëm Stef Blok, i cili pohoi se kontaktet fillestare diplomatike kishin për qëllim t’i hapnin rrugën bisedimeve zyrtare dhe të kryheshin në “një atmosferë pozitive”.
Ai tha se ishte shumë herët për të thënë se ku dhe kur mund të bëhen bisedime zyrtare.
“Ka kontakte diplomatike për të parë nëse mund të fillojmë bisedimet zyrtare rreth përgjegjësisë kombëtare për rrëzimin e avionit MH17”, tha Blok për gazetarët holandezë. Holanda dhe Australia thanë vitin e kaluar se e bënë Rusinë ligjërisht përgjegjëse për sigurimin e raketës që rrëzoi avionin e “Malaysia Airlines” mbi Ukrainën lindore të rrënuar nga konflikti.
Të gjithë 298 pasagjerë dhe anëtarë të ekuipazhit u vranë. Rreth dy të tretat e njerëzve të vrarë nga raketa Buk që u lëshua nga territori i mbajtur nga rebelët pro-rusë u përplas me avionin Boeing 777, ishin holandezë. Holanda ka qenë një nga shtetet kryesore që kërkon përgjegjësi për sulmin.
Kur Holanda dhe Australia vitin e kaluar thanë se përgjegjëse për rrëzimin e avionit ishte Rusa, shpejt u mbështetën nga Shtetet e Bashkuara, Britania dhe aleatët e tjerë. “Është koha që Rusia të njohë rolin e saj në rrëzimin e MH17 dhe të ndërpresë fushatën e saj dezinformuese,” tha në një deklaratë zëdhënësja e Departamentit të Shtetit të SHBA, Heather Nauert.
