Një i moshuar është vetëvrarë me armë zjarri, konfirmuan burime zyrtare nga Policia e Korçës.
“Mesditën e sotme, jemi njoftuar se në fshatin Dvoran, Korçë, në banesë është gjetur i pajetë nga familjarët e tij, shtetasi A.H, rreth 77 vjeç, i cili dyshohet të jetë vetëvrarë me një armë gjahu të cilën e posedonte me leje. Grupi hetimor po punon për zbardhjen dhe sqarimin e rrethanave të ngjarjes”, thuhet në njoftimin paraprak të policisë. /Boldnews.al/
