Krimi në familje ka marrë sërish jetë njerëzish në vend. Në qytetin e Vlorës gjatë paradites së sotme, pas një konflikti mes bashkëshortëve, ka përfunduar e vrarë Eva Lera, 42 vjeç, ndërkohë që burri i saj, Teodor Lera, 52 vjeç, pasi ka qëlluar me armë të ftohtë gruan ka tentuar të vrasë veten.
Fqinjët e çiftit kanë qenë të parët që kanë lajmëruar policinë dhe ambulancën pas zhurmave dhe britmave të viktimës. Kjo e fundit ka shoqëruar për në urgjencë kryefamiljarin që kreu edhe krimin, por nuk ka ende një përgjigje zyrtare për gjendjen e tij shëndetësore.
Gjithashtu nga informacionet e para të marra nga fqinjët e çiftit, bashkëshorti ka qenë edhe herë tjetër i proçeduar për dhunë në familje.
Njoftimi i Policës
“Sot rreth orës 12:10, në lagjen ‘Kushtrimi’, në katin e parë të një pallati është gjetur e pa jetë një shtetase 45 vjeçe. Nga hetimet paraprake dyshohet se ajo mund të jetë vrarë nga bashkëshorti. 57-vjeçari më pas, dyshohet se ka prerë damarët. Ai po merr ndihmë mjekësore në Spitalin Rajonal Vlorë. Grupi hetimor vijon punën për sqarimin e rrethanave të ngjarjes.”
/Boldnews.al/
