Debati lidhur me normalizimin e marrëdhënieve mes Kosovës dhe Serbisë është kthyer në kryefjalë të rajonit, edhe përtej oqeanit. Një ndër aleatët e kahershëm të Kosovës dhe fanatikë të ruajtjes dhe zhvillimit të sovranitetit dhe integritetit të saj në rajon e më gjerë, SHBA, ka dërguar ultimatumin e saj për ndërprejen e cdo iniciative lidhur me taksimin e mallrave mes Kosovës dhe Serbisë.
Sipas njoftimit të VOA-s, zyrtar i lartë i administratës amerikane, ka deklaruar se “Shtetet e Bashkuara vazhdimisht e kanë ngritur çështjen e tarifave dhe nevojën e pezullimit të tyre. Udhëheqësit e Kosovës e kanë të qartë seriozitetin e qëndrimit tonë dhe sfidat që paraqesin tarifat për marrëdhëniet e forta dypalëshe ndërmjet Shteteve të Bashkuara dhe Kosovës’.
Qëndrimi i befshëm i SHBA ka sjellë jo pak reagime dhe debate edhe brenda qeverisë së Kosovës, e cila prej kohës është ndarë në dy kampe. Kreu i qeverisë Ramush Haradinaj nuk ka ndër mend të zbrapset duke mos lejuar heqjen e taksës, ndërsa presidenti i vendit Hashim Thaci dhe kreu i Kuvendit, Kadri Veseli janë shprehur haptazi në dakortësi me SHBA. /Boldnews.al/
