Ana Brnabiç për më shumë se një vit ndodhet në krye të ekzekutivit serb, 42-vjeçarja është përfolur më shumë për shkak të orientimt të saj seksual sesa për punën në kryeministri.
Brnabiç është lesbike dhe bashkëjeton me partneren e saj, mjeken Milica Djuriç, e cila është disa vite më e re se kryeministrja e Serbisë.
Të dyja sipas mediave serbe po përjetojnë një lidhje dashurie dhe së shpejti do të bëhen prindër.
Gazeta beogradase “Gloria” ,raporton se Milica ka ngelur shtatzënë nëpërmjet fekondimit artificial dhe kjo është arsyeja pse prej disa muajsh tashmë ajo nuk është parë në publik përkrah partneres Ana Brnabiç.
“Gloria” ka mësuar nga Qendra Klinike e Serbisë, më saktësisht në Qendrën për radiologji dhe rezonancë magnetike, ku është e punësuar Milica se ajo ka marrë pushimet e shtatzënisë.
Ndërkohë, kryeministrja serbe nuk e ka komentuar lajmin pasi vazhdon të ruajë qëndrimin e saj kundër prononcimit në media për jetën private.
