Komisioni i Ligjeve është është përfshirë në debate të forta gjatë ditës së sotme pas dekretimit të Presidentit për të ritkhyer në Kuvend ligjin e ‘Kadastrës’.
Gjatë diskutimeve, lëshilltari ligjor i presidentit Meta, Bledar Dervishaj u shpres se “ligji në vetvete cënon parimet e së drejtës publike dhe se titujt e pronësisë nuk mundet kurrësesi të jenë e drejtë e kadastrës”. “Krijohet tension kushtetues, nuk janë në përputhje me jurisprudencën. Bie ndesh me dispozitat civile të Kodit Civil. Ligji cenon parimin e sigurisë juridike që ofronte ligji i mëparshëm. Saktësimi i titujve të pronësisë nuk mund të jetë e drejtë e kadastrës”, tha Dervishaj.
Deputeti demokrat Oerd Bylykbashi u shpreh se institucioni i ri që do krijohet nga bashkimi i Hipotekës me ALUIZNI-t siç e parashikon projektligji për kadastrën, është një “mostër pronash”.
“Po sikur t’iu dai kundër EURALIUS-i ca do bëni? Padija do prodhojë një pasaktësi të fikshi juridike. Keni marrë përsipër si se mund të grabisni pronën, i jepni të drejtën institucionit t’ia grisi qytetarët titullin e pronësisë. Keni krijuar një ALUIZN-ëm tjetër, keni vendos një gjykatë brenda këtij institucioni. Shkoni dhe më larg. Kur preket një titull pronësi po shpronësoni. Po bashkoni dy institucione që s’kanë lidhje me njeri-tjetrin. Nëse ligji s’konceptohet siç duhet, cenohet prona e shqiptarëve”, tha Bylykbashi.
Kryetari i Komisionit të ligjeve Ulsi Manja nuk i pranoi kritikat e opozitës duke u shprehur se “nuk na mbetët gjë tjetër vetëm t’iu japim shami të qani”.
Deputeti socialist Bashkim Fino u shpreh se me ligjin po bëhet “një organizim që qytetari të shkojë në një sportel”. Ai tha se ndryshimi që parashikon që institucioni i ri të jetë nën varësinë e kryeministrit, nuk ka asgjë të keqe.
Partia Socialiste vendosi të rrëzonte dekretin e Presidentit të Republikës Ilir Meta për noterinë por vendosi të rishikojë ligjin për kadastrën. /Boldnews.al/
