Aktorja amerikane, Julie Adams, ka ndërruar jetë në moshë 92 vjeçare – bën të ditur BBC.
Ajo ka vdekur mëngjesin e të dielës në Los Angeles. Kështu ka thënë për Hollywood Reporter djali i saj, Mitch Danton.
Adams është më së shumti e njohur për filmin klasik nga viti 1954, “Creature from the Black Lagoon”.
Njëherësh, ajo ka luajtur rolin e agjentes së pronave të patundshme, Eva Simpson, në serialin “Murder, She Wrote”, gjatë viteve 1987 – 1993.
Vlen të theksohet se ka aktruar edhe krahas Elvis PResleyt në mjuzikalin e vitit 1965, “Tickle Me”.
Betty May Adams (emri i vërtetë i aktores) lindi më 17 tetor 1926 në Waterloo të Iowas.
Si 19 vjeçare, Julie u shpall “Miss Little Rock” në Arkansas dhe më pas u zhvendos në Hollywood të Kalifornisë për ta vazhduar karrierën në aktrim.
Tony Curtis dhe Julie Adams (në qendër) në shkollën e aktrimit në Hollywood. Pas Curtisit ndodhet i famshmi Clint Eastwood
Aktorja Julie Adams në vitin 2012 në Beverly Hills
