Bashkimi Europian vijon me thirrjet ndaj prokurorëve të tjerë për tu bërë e SPAK.
Me anë të një postimi në rrjetet sociale, ambasadori i BE-së në Shqipërisë Luigi Soreca u bën thirrje prokurorëve që të aplikojnë para datës 7 shkurt, datë kjo e përundimit të afateve.
“U bëjmë thirrje prokurorëve 🇦🇱 të aplikojnë para datës 7 shkurt për tu bërë anëtarë të SPAK. Kohë e rëndësishme për të dhënë kontributin tuaj themelor në luftën kundër #korrupsionit & #krimittëorganizuar në 🇦🇱 dhe të jepni drejtësi për gjithë shqiptarët.#BE-ja është përkrah jush.”, – shkruan Soreca.
Ndërkohë Soreca ka dalë në një deklaratë për mediet pas një takimi që ka pasur me prokurorët kandidatë për SPAK, ndërsa tha se BE orfon mbështetje për të gjithë ata që do të aplikojnë dhe do të jenë pjesë e SPAK.
Ai tha se prokurorët do të japin kontribut në të ardhmen e vendit, ndërsa shtoi se ka pasur shumë aplikime, por duhet akoma më shumë.
Soreca tha se ka biseduar me ata që duan të jenë pjesë e kësaj strukture.
