Administrata amerikane ka nisur dërgimin e ndihmave humanitare në Venezuelë, ku mungojnë ushqimet bazë dhe medikamentet. Ndihmat do të depozitohen në kufi me vendet fqinje, pasi presidenti Nicolas Maduro nuk i ka lejuar me argumentin se janë një pretekst për ndërhyrje ushtarake.
Shtetet e Bashkuara të Amerikës kanë njoftuar nisjen e ndihmave humane, pas kërkesës së bërë nga Lideri I opozitës Juan Guaido.
Duke folur përpara popullit të tij ditën e Shtun Maduro thotë se Shteti i Venezuelës nuk ka nevoj për lëmosh pavarësisht vorbullës së krijuar të krizës në vend.
Në Janar, Maduro u betua për një mandat të dytë pas fitores në një proces zgjedhor të kontestuar. Të njëjtin muaj, Guaido, që është kryetar i Asamblesë Kombëtare të Venezuelës u vetëshpall president i përkohshëm deri në mbajtjen e zgjedhjeve të reja. Më herët gjatë javës, presidenti amerikan Donald Trump deklaroi se përdorimi i forcës ushtarake në vendin latin mbetet një opsion i hapur. /Boldnews.al/
