Një ngjarje e rëndë ka tronditur qytetin e Kavajës ditët e fundit ku një vajzë minorene është përdhunuar për dy muaj rresht nga 12 persona dhe askush nuk ka denjuar që ta denoncoj ngjarjen.
Të shokuar nga kjo ngjarje e rëndë prindërit e adoleshentëve të tjerë në shkollat 9-vjeçare janë shprehur se Kavajë kanë vendosur të mos I lënë fëmijët për asnjë moment vetëm.
Ata në një deklarat për mediat shprehen se e kanë mësuar rastin e 13-vjeçares vetëm kur u bë public mnga mediat dhe se nuk ishin në dijeni të një ngjarjeje të tillë macabre. Gjithashtu ata flasin fjalë shumë të mira për familjen e vajzës.
“Jemi të shokuar nga ngjarja. Fëmijët nuk na kanë treguar çfarë ka ndodhur. Rastin e mësuam kur u bë publik. Nuk duhet të hidhet baltë mbi shkollën. Nuk ka faj shkolla. Ngjarja ka ndodhur jashtë”, kanë thënë ata.
Ndërkohë fëmijët kanë treguar tek prindërit se vajza e abuzuar nuk ka shfaqur asnjë shenjë të çuditshme. Me gjithë rastin e rëndë, në shkollën “Rilindja” mësimi ka vijuar rregullisht, por me masa sigurie të shtuara. Derës kryesore i është vënë dryni, ndërsa nxënësi shoqërohen nga prindërit në lëvizjet jashtë shkollës.
Banorët tregojnë se vajza ishte nxënëse e shkëlqyer. Banesa e vajzës është shumë pranë shkollës. Vajza jeton me gjyshërit, 2 motrat dhe të ëmën. I ati kishte punuar shofer në bashki, por prej disa vitesh kishte emigruar në Itali. Pasi mori vesh ngjarjen ai është kthyer pranë familjes.
