Një apartament në katin e shtatë të një pallati shumëkatësh është djegur plotësisht gjatë natës duke sjellë panik tek të gjithë banorët e tij.
Zjarri i përmasave të mëdha është vënë re rreth orës 23 30 ndërsa për ta vënë në kontroll u është dashur disa orë pune 5 makinave zjarrfikëse dhe personelit të këtij shërbimi.
21 persona dergohen ne spital- Si rezultat i flakëve mbi 20 banorë të pallatit që u shpëtuan nga asfiksia dhe një zjarrfikës u dërguan ne spital dhe pas mjekimeve dhe kontrollit mjekësor janë nisur për në shtëpitë e tyre jashtë rrezikut për jetën disa orë më pas. Burimet nga spitali rajonal bënë me dije se banorët e pallatit kanë qëndruar derisa u janë bërë kontrollet mjekësore dhe ju është dhënë ndihma e parë atyre me asfiksi.
U shpetuan me autoshkalle – Fillimisht janë shpëtuar prindërit me fëmijë të vegjël. Energjia elektrike u stakua pas flakëve të zjarrit duke bërë që ashensori i pallatit të dalë jashtë funksioni. Katet e sipërm u bllokuan nga tymi duke bërë që banorët të kërkonin ndihmë për evakuim pasi edhe kalimi nga shkallët u bë i pamundur. Banorët e kateve të sipërm janë shpëruar nga një autoshkallë e cila i transportonte nga një ballkon i katit të tetë në tokë banorët.
Mes te evakuarve nje e paralizuar- Moti ka qënë në disfavor ndërsa shiu i rrëmbueshëm vështirësiu operacionin e zjarrfikësve për të shpëtuar banorët e pallatit në lagjen 1 . Midis të evakuuarve ishte një e moshuar e paralizuar. Katër autoambulanca u vunë në dispozicion për të dërguar në spital çdo banor të shpëtuar ndërsa operacioni zgjati deri në mëngjes. Zjarrfikësit pa frikë mund të quhen heronjtë e heshtur të natës të cilët në kushte shumë të vështira shpëtuan banorët. /Oranews/
