Intreri nuk ka arritur që të dalë nga kriza e rezultateve negative edhe përballë Bolognias duke pësuar humbjen e dytë radhazi në kampionat.
Zikaltërit në tri ndeshjet e fundit kanë marrë vetëm një pikë kundër Sassuolos në shtëpi dhe janë mposhtur nga Torino dhe Bolognia sot. Ata u eliminuan edhe nga ‘Kupa e italisë’ ku përballë kishin Lazion e Strakoshës.
Me humbjen e sotme Spalletti rrezikon seriozisht shkarkimin ku në deklaratën e fundit edhe ai vetë e kishte pranuar që nëse nuk rikthehet tek rezultatet pozitive mund të shkarkohet.
Alternativat e mundshme janë dy dhe janë shumë serioze pasi si Mourinho dhe Conte nuk drejtojnë asnjë klub pasi janë shkarkuar nga ish-klubet, Manchester United dhe Chelsea.
Zikaltërit pas 22 javësh kanë grumbulluar 40 pikë, por duke pasur parasysh që edhe ekipet e tjera kanë qenë mjaft dobët ata pozicionohen në vendin e tretë, +5 pikë nga Milan dhe +6 nga Roma që luajnë në darkë kryesfidën e javës së 22.
U tha shumë që ata do të jenë ekipi anti Juve këtë sezon duke pasur parasysh edhe blerjet që bëri në merkato, por tashmë e shikojnë veten plot 20 pikë larg torinezëve dhe 11 poshtë Napolit të vendit të dytë.
Nëse do të vazhdojnë kështu rrezikojnë seriozisht edhe pjesmarrjen në Champions, që nëse ndodh do të ishte një vetëvrasje.
Interi tashmë e ka vërtetuar që është një ekip I varur totalisht nga Icardi I cili ka gjashtë ndeshje që nuk shënon në kampionat.
/Boldnews.al/
https://www.youtube.com/watch?v=WQTNkkh3_VU
