Një supermarket në rrugën “Don Bosko” në kryeqytet është grabitur gjatë orëve të para të mëngjesit.
Burime policore thanë se, nga denoncimi që bërë në polici nga pala e dëmtuar, keqbërësit kanë marrë rreth 40 mijë lekë të vjetra dhe disa produkte që tregtonte supermarketi.
Sipas hetimeve paraprake, dyshohet se pasi kanë thyer me mjete të forta derën, grabitësit kanë hyrë në biznes duke përfituar nga orari ku aty nuk kishte punëtorë, kanë kryer vjedhjen e më pas janë larguar.
Policia ka shkuar në vendngjarje dha ka nisur hetimet për zbulimin e autorëve dhe zbardhjen e krimit. /Boldnews.al/
