Emocione pa fund. Vargje të ndjera nga i madhi Reshat Arbana, veshje tradicionale dhe muzikë drithëruese, i sjell kënga më e re që përjetëson 14 tetorin e 2014-ës.
Flamuri ‘Autochtonous’ që fluturoi mbi qiellin e Beogradit në natën e 14 tetorit 2014, që çmendi serbët dhe bëri krenarë gjithë shqiptarët, tashmë ka edhe një këngë të re.
“Autochtonous Biri im”, është kënga më e re që i kushtohet një fëmije nga Tirana, i cili është pagëzuar pikërisht me emrin Autochtoni, djali i Frrok Bardhit, të cilët po ashtu janë protagonistë në klipin e këngës së kënduar nga i mirënjohuri Kastriot Tusha dhe që do ta risjellë në kujtesë 14 tetorin e 2014.
Pjesë e videoklipit padyshim që është edhe heroi që ngriti këtë flamur në ndeshjen Serbi-Shqipëri, Ismail Morina-Ballisti.
Teksti është bërë nga Adim Doçi, interpreton Reshat Arbana, muzika dhe orkestrimi – Edmond Zhulali, regjia Llesh Nikolla, koreograf Skënder Haklaj, producent Frrok Bardhi.
