Protesta e banorëve të Unazës së Re në kryeqytet shënoi këtë të shtunë ditën e 91.
Banorët kërkojnë anulimin e projektit për vijimin e punimeve në Unazën e Re pasi sipas tyre është korruptiv dhe prek banesat e bizneset e tyre.
Ata kërkuan nga Bashkia që të rikthejnë ndriçimin në zonën e tyre të banimit, pasi rrugën prej muajsh e ka mbuluar errësira.
Protestuesit janë shprehur se nuk janë pritur nga Rama Veliaj apo zyrtarë të tjerë.
“Edhe këtu atyre nuk ua mban të vijnë, sepse as nëpër ëndrra të mos e kalojnë Unazën e Re, jo më të vijnë këtu. Dhe diçka, meqë e ka thënë edhe Rama vetë, t’ju hash atë që s’thuhet banorëve të Unazës së Re”, u shpreh një prej banorëve.
Nga megafoni i protestës u tha se ka ardhur ora që Edi Rama të largohet nga drejtimi i qeverisë.
“Ne duhet ti kthejmë popullit shqiptarë mekanizmin e votës ku vendos sovrani dhe jo krimi dhe paraja me të cilën blihen deri më sot”, u shpreh njëri prej protestuesve.
Protestës së banorëve të Unazës së Re i është bashkuar si çdo mbrëmje edhe deputeti i Partisë Demokratike Klevis Balliu. Ai tha se me datë 16 shkurt, kur do të zhvillohet edhe protesta e madhe e opozitës në kryeqytet, populli do të vendosë për largimin e Edi Ramës nga drejtimi i qeverisë. /Boldnews.al/
https://www.facebook.com/partiademokratike/videos/2097153700334495/
