Studentët e Universiteti”Luigj Gurakuqi” në një bashkëbisedim me pedagogët e këtij universiteti të cilët vazhdojnë bojkotimin re mësimit janë shprehur të shqetësuar lidhur me të ardhmen e të rinjëve shqiptarë.
Një nga studebtët e Juridikut I cili ka marrë fjalën është shprehur se shoqëria shqiptare është kapur nga një kancer dhe të gjithë po duan të largohen sa më parë nga ky vend, gjithashtu ai shton se edhe shokët e lagjes nuk I njeh më.
Zgënjimi I studentëve dhe të rinjëve shqiptarë ka arritur në ata fazë sa ata mendojnë se ky vend nuk bëhet më, por pavarsisht të gjithave një nga studentët shpreh bindjen se fati I këtij vendi është në duar të të rinjëve intelektual.
“Asnjë protestë në vendin tonë nuk ka zgjatur 2 muaj.Për një moment fillon dhe humb shpresën. Shqiptarët nuk janë në gjumë, kanë vdekur. Tani besoj dyfish që kauza jonë dhe të drejtat tona do të shkojnë aty ku duhet.Këto janë të drejtat tona,këto godina janë ngritur mbi eshtrat dhe gjakun e të parëve tonë,pse duhet që individë të caktuar ti marrin dhe ti përdorin si të duan.
Administrata e vendit tonë ka një kancer të shkallës së fundit që po e çon drejt vdekjes dhe shkombëtarizimit, ne në vendin tonë nuk kemi as 2 milion popull. Nuk po njohim shokët tanë nëpër lagje sepse kanë ikur dhe nuk i shohim më.Si do të jetojmë dhe vijojë fundi jonë këtë e kemi në dorë ne dhe intelektualët që sot i kemi në krahun tonë.Marrim këto diploma.
Provojmë nja dy vjet me portale dhe miq, nuk gjejmë punë dhe përfundojmë duke ikur. Ne e kemi në dorë sot që ta vulosim të ardhmen tonë që në një të nesërme të afërme të mos kemi nevojë me i kërku kujt favore, nuk është favor me të fut dikush në punë kur je ekselent dhe pse në vendin tonë është favor.Është e drejtë legjitime që ta njeh Kushtetuta. Në vendin tonë diploma nuk pi ujë.
Personalisht kam kaluar në një pesimizëm kaq të madh sa unë e kam pranuar që në vit të parë bachelor se në këtë vend nuk ka jetë, por po kryejë atë shkollë dhe të iki dhe unë ku kam familjarët e mi jashtë.Por ishte një ditë duke kaluar nga Parlamenti te Kryeministria, kur kam parë 30 mijë studentë, thashë: O Zot, Shqipëria bëhet dhe unë nuk largohem kurrë prej këtu. Vetëm përfaqësuesit tanë nuk duhet të jenë ata individë në parlament.As për roje bilardoje nuk bëjnë. Kemi në dorë të luftojmë kancerin që ka kapur shoqërinë tonë.”, tha student.
