Kinezët “do të duhet të punojnë seriozisht për t’i dhënë Milan-it një mbështetje vjetore në mënyrë që të kthehet mes protagonistëve”. Këto kanë qenë fjalët e presidentit kuqezi, Silvio Berlusconi: “Shpresojmë të gjejmë një zgjidhje të përshtatshme në mënyrë që skuadra të kthehet të jetë protagoniste në Italia, në Europë dhe në Botë.
Po negociojmë më kompani të rëndësishme kineze. Për mua është thelbësore që të ketë garanci që klubi të jetë gjithmonë lart”, ka thënë numri një i klubit milanez. “Kinezët duan që unë të qëndroj president për tre vite të tjerë dhe unë kam pranuar. Po punojmë për këtë, nëse do të gjejmë një marrëveshje detyra ime, pas tre viteve, do të jetë ajo që të gjej personin e duhur për Milan-in. Unë president nderi? Po, sepse edhe me këtë rol mund të kem ndikim te vendimet e klubit”.
“Nëse kjo nuk do të jetë e mundur do ta mbaj me gjithë qejf Milan-in. Për sa i takon merkatos, unë mendoj se do të ishte më mirë të gjenim një zgjidhje të brendshme me lojtarë të rini italianë të uritur për sukses, pak a shumë siç ka bërë Barcelona dhe Atletico Madrid. Brochi? Nëse qëndroj unë do të qëndrojë edhe ai, është një trajner i mirë. I duhuri për projektin. Ibrahimovic? Kushton shumë”. Në fund, Bersluconi ka shpjeguar se: “Do të jenë 15 ditë të rëndësishme. Duhet kujdes dhe durim. A do të ndryshojë struktura e klubit në rast shitjeje? Nuk e di se çfarë do të bëjnë dhe si do ta bëjnë, por do të shohim…”.
