Pas denoncimit të Elisa Spiropalit për një tjetër deputet të PD-së që është dënuar dy herë ka reaguar kjo e fundit.
Partia Demokratike e ka akuzuar Spiropalin se krekoset nëpër tavolina miqsh se ka bërë 5 milionë euro për një vit në dogana.
Përmes një deklarate tha se Elisa Spiropali u përdor nga kryeministri Rama “për te vënë barazinë mes krimeve të tmerrshme e ç’njerëzore të Frrokut, Nokës, Bushit, Roshit, Prengës, Bardhit, me arratisjen nga Shqipëria e Ramizit”.
Elisa e traut të ngritur, e quan PD Spiropalin duke ju referuar postit që ajo pati si drejtoreshë e Doganave, prej nga dha dorëheqjen. Sipas PD-së, ajo “duhej të ishte në kaushin e plehrave për evazion, por me Ramën atë se kap drejtësia”.
Deklarata e PD-së
Nuk mund të gjente Edi Rama person më të përshtatshëm për të bërë gargarë me jargët e tij, se sa Elisën e traut të ngritur, që krekoset nëpër tavolina miqsh se ka bërë 5 milionë euro për një vit në dogana. Po ç’turp mund të ketë Rama dhe Elisa e tij që hapën gropën më të madhe ne historinë e doganave me 1 milionë dollarë vjedhje në ditë. Syri ju sheh vetëm para, dollarë, euro, ndaj nuk arrijnë të dallojnë vrasesit, tutorët, trafikantët, nga një aksident rrugor 24 vite më parë. Elisa e traut të ngritur u përdor dhe sot për te vënë barazinë mes krimeve të tmerrshme e ç’njerëzore të Frrokut, Nokës, Bushit, Roshit, Prengës, Bardhit, me arratisjen nga Shqipëria e Ramizit. Elisa e traut të ngritur duhej të ishte në kaushin e plehrave për evazion, por me Ramën atë se kap drejtësia. Drejtësia do të bëhet, dekriminalizimi do të bëhet dhe jargët që dalin nga selia e Ramës nuk e pengojnë dot.
