Tensione në parlament/ Berisha quan Ramën kriminel, ndërhyn PS

Ka patur debate të forta në parlament pas daljes së Sali Berishës në foltore. Berisha ka akuzuar Ramën dhe e ka quajtur atë “kriminel”.

Pas kësaj grupi parlamentar i PS ka reaguar dhe ka kërkuar 5 minuta pushim.
Ja çfarë tha Berisha:
“Shpreh vlerësimin tim të madh për këtë ligj se faktoi qe vrasësit i futi në parlament Edi Rama, faktoi turpin e madh se si përpiqen për të fshehur kokën si struci në diell, të krahasojnë vrasjen me kundravajtjen ligjore në rrugë, të krahasojnë vrasjen me arrestimin politik, me nenet 55 dhe të tjera, me këtë sa i hiqni maskën vetes dhe dukeni më kriminelë se kurrë.
Dua të denoncoj këtu Ramën si një armik të egër të qenies sonë kombëtare. Cfarë do ti thoshtë ne një fjalim një diplomat i huaj një personaliteti shqiptar, do i thoshte po Edi Rama më ka pohuar sinqerisht se ka rekrutuar nga zonat e Veriut vrasës kriminel e trafikantë se në ato zona vetëm me të tillë ia dilet.
E para në këtë mënyrë Rama me një racizëm të ulët, të ndyrë antishqiptar e antikombëtar paraqet Veriun si pullë kriminelësh dhe dijeni të dashur qytetar nga rrethet e Veriut e Verilindjes se ky është koncepti i tij antishqiptar për ju. Ky s’është zotëri, është një kriminel i vërtetë…i thotë të huajve e diplomatëve kryesorë se Veriu…
Nderhyn Balla dhe Ruci: “Më lër të flas se është cështje e rëndësishme kjo”,¬ i drejtohet Berisha, Ruçit dhe Ballës. Balla kërkon 5 minuta pushim