Djali 9 vjeçar është vënë në kërkim nga uniformat blu të Durrësit.
Sipas njohtimit të policisë, shtetasi B.P. 9 vjeç, banues në Durrës lagja Nr.11 është larguar nga banesa rreth orës 18.00 të ditës së djeshme.
Shtetasi L.P 45 vjeç, babai i djalit ka bërë kallëzim në polici. Mësohet se djali ka flokë të shkurtër në ngjyrë të zezë. Ka të veshur një bluzë me mëngë të gjata me kapuç ngjyrë blu, pantallona tirkotazhi ngjyrë gri me xhepa mbrapa. Specialistët për Krimet në Komisariatin e Policisë Durrës kanë filluar kërkimet menjëherë sapo është bërë kallëzimi në orët e vona të natës dhe vijon në mënyrë të pandërprerë.
