Një pjesë e deputetëve por edhe e zyrtarëve pas vetëdeklarimit në formularët e dekriminalizimit kanë rezultuar me emra të dytë dhe të tretë apo edhe mbiemra ndryshe.
Edhe Presidenti Bujar Nishani ka shkruar në formular se në fëmijëri ka pasur mbiemrin “Mehmeti”. Ai ka specifikuar se këtë mbiemër e ka pasur vetëm në dokumente shkollore.
Po kështu kryetarja e Komisionit Qendror të Zgjedhjeve Lefterije Lleshi, në formularin e saj të dekriminalizimit ka deklaruar se ka mbajtur emër tjetër më përpara, “Lumturie Luzi”.
Një tjetër anëtar i KQZ, Klement Zguri ka deklaruar se e ka pasur emrin Klementin. Po kështu nga vetëdeklarimet mësohet se se kryeprokurori i Përgjithshëm Adriatik Llalla dhe Kreu i KLSH, Bujar Leskaj kanë qenë emigrant në Greqi.
