Gjykata e Tiranës ka pranuar kërkesën e prokurorisë “burg pa afat” për gjyqtarin Ibrahim Hoxha.
Gjyqtari Hoxha u arrestua në flagrancë në një lokal të Tiranës, teksa merrte ryshfet për një çështje pronësie në gjykim të tij. Më parë si masë sigurie ndaj tij u vendos “burg me afat 30 ditë”.
Ai u arrestua së bashku me djalin e tij, nje sekser dhe biznesmenin, procesin gjyqësor ndaj të cilit do favorizonte. Ibrahim Hoxha ka qenë nën masë disiplinore dhe ishministri Naço pati kërkuar shkarkimin e tij në vitin 2013.
Hoxha u arrestua bashkë me të birin e tij, Ledian Hoxha dhe dy personat e tjerë që po i jepnin ryshfetin prej 6 mln lekësh. Ata janë Dritan Jazexhi, me akuzën e korrupsionit aktiv sepse ka dhënë paratë, si edhe Novruz Gajda ishpolic i akuzuar si sekser mes gjyqtarit dhe qytetarit. Prokuroria ka përdorur si provë përgjimet e bëra, që fundosën gjyqtarin e Tiranës, Ibrahim Hoxha, arrestuar për marrje ryshfeti në këmbim të një vendimi gjyqësor për pronën e biznesmenit që dha paratë. Sipas akuzës, i pari që është vënë në përgjim nga prokuroria ka qënë shtetasi Novruz Gajda, që siç ka rezultuar nga këto përgjime thirej si “Noke” dhe “Dajë”. Rezulton se në këmbim të dhënies së një vendimi në favor të shtetasit Dritan Jazexhiu, një ditë përpara shpalljes së vendimit, gjyqtari Ibrahim Hoxha ka rënë dakord me ndërmjetësin Novrus Gajda, që të merrte shumën 600.000 lekë, duke kërkuar që t’i dorëzoheshin djalit të tij, me qëllim që të fshinte gjurmët e krimit.
