Policia italiane, ditën e djeshme në kuadër të një operacionit antidrogë në qytetin e Frosinones arrestoi disa shtetas shqiptarë, ndërsa sot u bënë publike edhe identitetet e shqiptarëve të vënë në pranga.
Sipas policisë personat e arrestuar janë: Fejzulla Florian, 28 vjeç, i njohur si Flori, Emirel Lushi, me pseudonimin Leka, Sinan Kekaj 37 vjeç i thirrur me emrin Simone e Luan Rushiti me pseudonimin Leone, si dhe shtetasi italian Angelo Arduini.
Sipas Policisë italiane urdhër arrestimi është lëshuar dhe ndaj 3 shtetasve të tjerë shqiptarë anëtarë të kësaj bande që supozohen se aktualisht gjenden në Shqipëri.
Shqiptari Luan Rushiti i datëlindjes 1968, rezident në qytetin e Romës ishte personi që furnizonte bandën e shqiptarëve me sasi të mëdha droge, kryesisht kokainë.
Luan Rushiti është mjaft i njohur nga autoritetet policore italiane, pasi shumë herë është arrestuar me akzuën e trafikut të lëndëve narkotike.
“Trafikimi i drogës i sillte kësaj bande një përfitim prej 1 milionë euro në vit”, ka deklaruar shefi i policisë së Frozinones, Filippo Santarelli. Droga u shitej dhe minorenëve në formë cigaresh me përmbajtje 0.2 gramë kokainë , e mjaftueshme për të krijuar tek ata vartësinë ndaj saj.
