Google sapo ka treguar përditësimin më të madh të platformës së tij të orës inteligjente.
Android Wear 2.0, e shfaqur gjatë konferencës së zhvilluesve I/O të kompanisë, shton aplikacionet e pavarura, fytyra të reja të përshtatshme të orës dhe mënyra të reja të futjes së tekstit. Edhe pse ky përditësim nuk do të jetë i vlefshëm gjerësisht për disa kohë, duket qartë që ky është përditësimi më i rëndësishëm deri më sot.
Një nga ndryshimet menjëherë të dukshme është ngjyra e re më e errët e sistemit, e cila është prezente në tërë ndërfaqen e përdoruesit- njoftimet e ri-projektuara, hija e cilësimeve dhe lëshuesi i aplikacioneve do të përfitojnë nga tema më e errët, e cila e bën të gjithë orën të duket më e shndritshme.
Meqë po flasim për lëshuesin e aplikacioneve, ky i riu është një përmirësim i madh. Në vend që të shtypësh përmes një liste aplikacionesh, lëshuesi i ri përdor një ndërfaqe rrethore e cila është më e lehtë për t’u përdorur dhe ka përdorim më të mirë për faqen rrethore të orës.
Përdorimi i aplikacioneve për orë të palëve të treta është gjithashtu një eksperiencë më e mirë dhe ndryshimi më domethënës në Android Wear 2.0. Kjo do të thotë që aplikacionet e orëve mund të funksionojnë në mënyrë të pavarur nga telefoni juaj inteligjent, edh nëse ju nuk keni një orë më Wi-Fi ose me lidhje me celularin.
Dërgimi i mesazheve nga ora gjithashtu do të shohë disa përmirësime, ndërkohë që njerëzit nuk do të duhet të mbështeten më te përgjigjet e konservuara ose vetëm te diktimi zanor. Një tastierë e re QWERT që përdor gjeste me bazë rrëshqitje ju lejon të shkruani disa fjalë njëherësh.
Android Wear 2.0 do të jetë i vlefshëm për të gjithë më vonë këtë vit.
