Shumë prej futbollistët jetojnë një jetë luksi, për shkak të profesionit që ata kanë, i cili i lë shumë mundësi për të pasur një mirëqënie të lartë. Por, ka edhe raste që, pavarësisht sa fiton, ti nuk arrin dot që t’i menaxhosh dhe si përfundim i humbet të gjitha.
Rasti më i fundit është ai i futbollistit të Kombëtares së Ganës, protagonisti i Botërorit 2010-të, Gian Asamoah. Sipas zbulimit të “MyNewsGh”, lojtari i ka humbur të gjitha dhe në llogarinë e tij bankare gjenden vetëm 600 euro.
Diçka shumë e çuditshme kjo, pasi mesfushori afrikan la Sanderlendin në vitin 2012 dhe ka luajtur në Emiratet e Bashkuara, me Al Ain ku përfitonte një rrogë prej 200 mijë euro vetëm në javë. Më pas ai ka kaluar në Kinë të Shangai SIPG, ku përfitonte shifra marramendëse gjithashtu.
Në rrjetin social “Instagram”, ai ka postuar një karikaturë më këto fjalë: “Ndërsa rritesh, tregohu i kujdesshëm se kë ushqen. Kuptoje se disa njerëz të cilët i ushqen, kanë nevojë vetëm për energji për të kafshuar, pasi i ke ushqyer”. Ai sot është trokë dhe ka kaluar disa probleme familjare, ku ka edhe shumë kohë pa takuar fëmijët edhe gruan e tij.
