Tashmë është identifikuar nga policia autori i dyshuar I krimit të rëndë që ndodhi pasditen e djeshme në Laprakë të Tiranës, por poluicia nuk ka mundur ta arrestoje, pavarësisht kontrolleve të shumta. Një ditë pas atentatit që ndodhi në Laprakë, ku një 17-vjeçare mbeti e vrarë dhe u plagos i dashuri i saj, policia ka ushtruar kontrolle në banesën e autorit të dyshuar.
Policia ka shkuar në banesën e 19-vjeçarit të dyshuar si autor i vrasjes së Briselda Gjikola dhe u plagos 23-vjeçari Erion Bengo, por nuk është gjetur në banesën e tij.
Motivi i ngjarje sipas policisë është një konflikt që 2 djemtë kanë pasur me njëri-tjetrit para një jave. 19-vjeçari ka ngacmuar Briseldën dhe i dashuri i saj e ka goditur fizikisht. Pikërisht nga ky konfrontim lindi edhe plani i 19-vjeçarit për të ndërmarrë aktin e rëndë. Aktualisht po vijojne kontrollet. Policia dhe prokuroria po hetojnë dhe për pista të tjera.
Krimi i rëndë ku mbeti e vrarë 17-vjeçarja Briselda Gjikola, dhe u plagos Erion Bengo ndodhi dje rreth orës 18:17 në Laprakë. Çifti, që ishte në një lidhje prej pak javësh, ishin në mjetin tip ‘Benz A Class’ më targë AA 226 MS, ngjyrë gri, kur dy persona të maskuar hapën zjarr ndaj tyre. Për pasojë të rinjtë u plagosën, ndërsa vajza ndërroi jetë në spital. Aktualisht Bengo ndodhet jashtë rrezikut për jetën, ndërsa ka marrë plumba në qafë dhe shpatull.
