Pavarësisht kritikave të shumta për Ligjin për Arsimin e Lartë, kryeministri Edi Rama është i vendosur të mos e rrëzojë.
Gjatë një deklarate për mediat pas mbledhjes së qeverisë, ku u morën disa vendime lidhur me arsimin e lartë, kreu i qeverisë tha se, “ligji për Arsimin e Lartë nuk preket”.
“Ligji i arsimit të lartë nuk ka asnjë arsye të preket sot dhe më e bukura është se nga gjithë bisedat që kam bërë nuk kam dëgjuar asnjë që të më japë një fakt se këtë zhvillim pozitiv të kërkuar e ka penguar ligji i arsimit të lartë. Nuk është ligji është ligjshmëria, pra ai nuk preket edhe një fjalë kam për pedagogët që mbledhin firma, ka shumë nga ata që janë heronj, pa asnjë hezitim, po ka edhe të tjerë që janë si ajo shprehja sa gjëra bëhen në emrin tënd o popull. Para se të shkojnë te ligji është mirë që secili të provojë përputhjen e vet me ligjin, sa i takon atyre që pretendojnë apo atyre që është doktor, a profesor”, tha Rama.
Kujtojmë se ndaj Ligjit për Arsimin e lartë ka pasur kritika të shumta. Jo vetëm nga ana e opozitës, por edhe nga zëra të spikatur akademikë.