Në fillim të muajit, prestigjiozja britanike “The Indipendet” raportoi se si Ministria e Financave dhe Ekonomisë publikoi të dhëna të agjentëve sekretë shqiptarë në botë. Një ish-agjent i CIA-s tha për “Indipendent” se publikimi i këtyre të dhënave është një katastrofë burokratike që mund të rrezikojë jetën e punonjësve të SHISH.
Ndërsa ditën e sotme, për çështjen raporton “Kurrir”. Tablodi serb e cilëson ngjarjen “skandal të çuditshëm”, zbulon disa nga emrat e agjentëve shqiptarë që janë publikuar në të dhënat e pagesave të pasqyruara nga Ministria e Financave si dhe raporton se institucioni që “de jure” është i pavarur, realisht është kapur nga kryeministri Edi Rama. “Inteligjenca shqiptare po vepron në Ballkan, dhe gjithçka i raportohet Edi Ramës”, shkruan Kurrir.
Në artikull, citohet një ish-anëtar i shërbimit sekret jugosllav Boža Spasić, i cili zbulon veprimtarinë e agjentëve të SHISH në Serbi. Sipas Spasić, 200-300 spiunë shqiptarë janë aktivë në Ballkan dhe Serbia është veçanërisht interesante për ta.
“Ata janë të interesuar për gjithçka, dhe kryesisht për politikën. Në Serbi, ata po mbikëqyrin situatën në vend, nëse pozita e presidentit Aleksandar Vuçiç është e sigurt, nëse njerëzit ende i besojnë atij … Ata kanë detyra që të gërmojnë te autoritetet në Serbi. Gjithashtu, ata janë të interesuar për pozitën e njësive ushtarake dhe policore. Ata gjithashtu marrin pjesë në ‘spiunin ekonomik’, dhe këta janë veçanërisht aktivë në Beogradin e Ri, ku ndodhen selitë e kompanive të mëdha dhe bankat botërore”, thotë Spasic, duke shtuar se agjentët e shërbimit sekret serb kanë luftuar ata shqiptarë.
Në fund të artikullit, Kurrir zbulon edhe emrat e 9 agjentëve të SHISH që janë zbuluar nga të dhënat e publikuar nga ministria e drejtuar nga Arben Ahemtaj:
1. Ferdinand Nuku
2. Recall Priest
3. Robert Tuci
4. Nestor Babameto
5. Astrit Kinani
6. Nevzat Šehu
7. Tonin Prendi
8. Bardok Gega
9. Hazbi Brahja
Disa prej tyre janë lakuar më parë në media.
/Boldnews.al/
