Ish-Kryeministri dhe deputeti i Partisë Socialiaste Pandeli Majko ka hedhur poshtë zërat se në takimin që pati me kreun e PD Lulzim Basha është diskutuar për një kandidim të mundshëm të Majkos për postin e Presidentit vitin e ardhshëm.
Duke folur nga Shkodra, Majko mohoi të ketë nisur lobimin me opozitën për të kandiduar si President i ardhshëm.
Ish-Kryeministri përsëriti se me Bashën ishte fokusuar kryesisht te Asambleja Parlamentare e NATO-s që mblidhet këtë fundmuaji në Tiranë.
Lulzim Basha dhe Pandeli Majko u takuan javën e kaluar në ‘Rogner’ dhe në prenoncimin për gazetarët u shprehën se diskutuan për Asamblenë e NATO-s që do të mbahet në Tiranë.
