Një aksident i ndodhur këtë mëngjes në autostradën 222 në Castellamonte, Itali, i ka marrë jetën një shqiptari. Sipas mediave italiane, 25-vjeçari shqiptar Rajmond Thacina, është identifikuar si viktima.
Shqiptari, i cili kishte në pronësi një kompani të vogël ndërtimi, po udhëtonte në një “Citroen C3” së bashku me tjetër person kur ndodhi aksidenti. Makina me të cilën lëviznin raportohet se është përplasur me një tjetër mjet.
Citroeni është rrokullisur disa herë në asfalt pas përplasjes.
Personi një udhëtonte me shqiptarin, një grua rumune 28 vjeçe Alexandra C.I., u dërgua në spitalin “Giovanni Bosco”. Gjendja e saj nuk duket të jetë serioze.
Hetimet e karabinierëve janë duke u zhvilluar për të zbardhur dinamikën e aksidentit. Është e mundur që asfalti që ishte i ngrirë këtë mëngjes të ketë ndikuar në shkaktimin e incidentit, i cili ndodhi rreth orës 6:00, raporton “La Repubblica”.
/Boldnews.al/
