Nga Boldnews.al
Dy persona kanë tentuar të përçajnë protestën studentore që prej ditësh zhvillohet 24 orë “non stop”, shumicën e kohës para kryeministrisë. Denoncimi vjen nga studentët protestues, të cilët kanë ngrysur dhe gdhirë ditë para zyrës së kreut të qeverisë Edi Rama, në pritje që kryeministri të plotësojë 8 kërkesat e tyre.
Për “Boldnews.al”, studentët denoncuan se personat të cilët janë prezantuar si Blerimi njëri dhe Jon Grabocka tjetri, kanë tentuar të përçajnë protestën studentore.
Sipas studentëve, të dy personat e sipërpërmendur, kishin qëndruar në mesin e protestuesve, madje edhe natën, prej katër ditësh. Por dje, ata kane thëne që protesta është mbyllur dhe të gjithë duhet të shkojnë ne shtëpi. Më herët gjatë kësaj të premteje, kanë marrë edhe batanijet dhe i kanë larguar prej sheshit duke thënë se “do lahen”.
Për studentët, kjo sjellje tregon se pikërisht këta persona janë të infiltruar mes tyre për të përçarë protestën.
