Faqja zyrtare e FIFA-s ka publikuar renditjen përfundimtare të kombëtareve për vitin 2018.
Belgjika ka arritur të shpallet si skuadra e vitit në renditjen e FIFA-s, megjithëse Botërorin e Rusisë e fitoi Franca.
Me 1 pikë më shumë kryesojnë belgët ndaj francezëve duke ruajtur pozicionin në krye.
Kombëtarja e Shqipërisë e ka mbyllur këtë vit në vendin e 60-të të renditjes me 1372 pikë.
Ndërkohë, për tu përmendur është se Kosova ka arritur të jetë skuadra me më shumë ngjitje këtë vit.
“Dardanët” ndodhen në vendin e 131-të të renditjes, duke u ngjitur me plot 46 vende nga viti i kaluar.
