Kryeministri Edi Rama ka reaguar përmes një shënimi në Twitter pas takimit me studentë të Universitetit Ismail Qemali në Vlorë. Në ‘cicërinën’ e kreut të qeverisë, ashtu si në takim, shfaqet arroganca e tij, teksa shprehet se pakica e studentëve flet, por refuzon të dëgjojë.
“Dialog intensiv në Universitetin Ismail Qemali me shumicën që bashkëbisedon, e na jep mundësi të mësojmë më shumë nga hallet e problemet specifike studentëve të çdo dege, dhe me pakicën që flet po refuzon të dëgjojë, duke më thënë kemi frikë se na mbush mendjen. Flm të gjithëve”, shkruan Rama, i cili u prit me protesta para takimit.
Kujtojmë se edhe takimi u shoqëruar edhe me disa debate mes studentëve dhe Edi Ramës, që nisi që me mbërritjen e kreu të ekzekutivit në ambientet e universitetit, si dhe më pas në sallë, ku disa studente pasi ju drejtuan ashpër duke i treguar problematikat, zgjodhën që të largoheshin dhe të braktisnin këtë takim.
Po me protesta, Rama u përcoll nga Universiteti i Vlorës.
