Ditën e sotme u publikua në media një video ku tregonte qartë se si gazetarja Mira Kazhani i jepte gaz makinës, për të “shembur” murin e studentëve.
Në video tregohej gjithashtu dhe presioni i gazetares mbi studentët, të cilët nuk ia përtonin me fjalë, duke iu kthyer.
Megjithatë nuk ka munguar as reagimi i saj, që është me të vërtetë për t’u habitur.
Gazetarja e ka quajtur lajmin, të rremë, duke harruar në fakt se janë vetë pamjet ato që flasin.
Kazhani shkruan:
“Makina ime u nis kur duhet të ecja indietro pasi një kolege më ndihmoi duke më lajmëruar se u hap një kryqëzim në anën e djathtë. Pastaj e gjeta veten kundër çdo etike në një faqe bulliste si JOQ, që janë gati të masakrojnë imazhin e çdokujt përmes ‘fake news’, edhe kur video ua rrëzon titullin. As nuk e kam ditur që po xhirohem, sepse po xhiroja vetë. Dhe më kanë bërë nder ata mua dhe jo unë atyre. Fjalët i merr era por pamjet flasin vetë.”
