Studentët vijojnë protestën e tyre në ditën e 13-të të tyre, ndërsa pasi nuk morën përgjigje nga kryeministri vendosën që ta përshkallëzonin atë, duke bllokuar disa prej pikave kryesore të kryeqytetit.
Një pjesë prej studentëve u zhvendosën në rrethrrotullimin e Zogut të Zi, duke bllokuar kështu kalimin e mjeteve.
Gjirokastra po mbështet protestën e studentëve të Tiranës në mënyrën e vet. Mesditën e sotme, kanë rënë në sy parrulla të shkruara nëpër muret e lagjes Varrosh në përkrahje të studentëve të Tiranës dhe kundër politikës apo subjekteve politike.
“Jo dialog, Jo politikë”, apo “28 vjet demokraci false”, kanë qenë parrullat e shkruara nëpër muret e kësaj lagjeje.
Duket se këto parrulla janë shkruar nga vendas të pakënaqur me stanjacionin 5-vjeëar të qeverisë Rama, e cila ka prodhuar varfëri, migracion dhe papunësi për shqiptarët, ku nuk përjashtohen as vetë gjirokastritet.
