Ndryshe nga gripi apo virozët, simptomat e alergjisë nuk janë të njëjta për të gjithë. Në varësi të llojit të alergjisë që keni dhe sa e rëndë është, reagimi juaj mund të jetë krejtësisht i ndryshëm nga ai i një personi tjetër.
Megjithatë, ka shumë gjëra që mund t’ju sinjalizojnë nëse keni apo jo alergji. Njohja e këtyre shenjave mund të ndihmojë në ndalimin e një situate potencialisht kërcënuese për jetën. Një shenjë e një reaksioni alergjik është irritimi i lëkurës, gunga të kuqe dhe kruajtje në zona të caktuara. Kjo ndodh sepse trupi juaj liron histamine, një kimik që irriton lëkurën tuaj. Duhet të kihet parasysh se këto njolla të kuqe jo gjithmonë krijohen prej alergjisë.
Temperaturat ekstreme apo edhe stresi mund bëhen po ashtu shkak për shfaqjen e tyre, prandaj sigurohuni që të këshilloheni me një alergolog. Sytë që lotojnë është gjithashtu një shenjë tjetër, meqë grimcat ajrore mund të futen në zonën e syve dhe ta irritojnë atë. Shenja më serioze që tregon se jeni duke pasur një reaksion alergjik përfshin një gjuhë të fryrë ose buzë apo fytyrë të ënjtur.
Ky reaksion i ashpër, shumë-sistemor mund të përfshijë ënjtje të gojës dhe rrugëve të frymëmarrjes, vjellje dhe probleme me frymëmarrjen. Ndaj, mos i neglizhoni këto shenja, por vizitohuni sa më parë me një mjek për të shmangur pasojat.
