Liverpooli luajti në “Anfield Road” kundër Manchester United sfidën e javës së 17-të në Premierligë.
Skuadra e Jurgen Klopp fitoi me rezultatin 3-1, duke u ngjitur në krye të renditje, me 1 pikë më shumë se Manchester City.
“The Reds” kaluan në avantazh në minutën e 24-t me anë të Mane, por Lingard në të 33’ barazon shifrat, 1-1.
Në pjesën e dytë Klopp aktivizon Xherdan Shaqirin dhe lojtari me origjinë shqiptare nuk zhgënjen, duke shënuar golin e dytë në minutën e 73-të.
Por ylli kosovar nuk ndalet, teksa në të 81’ realizon edhe golin e tretë për “The Reds” dhe të dytin personal.
Më shifrat 3-1 mbyllet supersfida e kësaj jave në Angli, teksa Liverpool vazhdon rrugën drejt titullit kampion.
Autori i dy golave të fitores së Liverpoolit, Xherdan Shaqiri, u vlerësua me notën më të lartë, 8.6, siç mund ta shihni në foton e mëposhtme.
