Zhvendosja e protestës para Kryeministrisë ka bërë që policia dhe shërbimet sekrete të rrisin kapacitetet vëzhguese, edhe pse deri tani studentet kane treguar sjellje paqesore.
Prezenca e agjenteve eshte vënë re edhe nga studentët, ku njëri prej tyre, duke folur para kolegëve u shpreh se u ndalua nga dy agjentë të SHISH dhe ne fund arriti t’i bind së kauza është e drejtë.
“I falenderoj ato të dy të shërbimeve sekrete që më kanë ndaluar mbrëmë.I përshëndes nga sheshi për faktin se megjithëse u afruan në një mënyrë disi terrorizuese në fund pas bashkëbisedimit ja arrita ti bind se ne kishim të drejtë dhe kjo ishte e jashtëzakonshme. Si përfundim u ndamë si miq, se miq ishim. Këtu jemi për kauzën e gjithë shqiptarëve”, pohoi student i panjohur.
Studentët kërkojnë uljen e tarifave të studimit, të cilat llogariten ndër më të lartat në Europë. Kushti i tyre për të negociuar me kryeministrin Rama është plotësimi i tetë kërkesave.
