Ndërkohë që prej disa ditësh Tirana po “gëlon” nga protestat, duket se qytetarët janë ngritur në protestë dhe në qytete të tjera të Shqipërisë.
Qytetarët kanë nisur protestat me karakter ekonomik, shumë prej tyre janë familjarë që kanë një biznes të vogël, të rrezikuar nga falimentimi për shkak të taksave të larta.
Po ashtu çmimi i lartë i karburantit, është një nga arsyet që ka nxjerrë qytetarët në rrugë, duke bllokuar akset kryesore nga Veri në Jug.
Bëhet e ditur se aksi Fushë-Krujë-Milot, është bllokuar nga protestuesit të cilët janë kundër çmimit të naftë dhe taksave të larta.
Po ashtu në qytetin e Shkodrës, një grup qytetarësh do të protestojnë në orën 4 për çmimin e naftës, për taksat e larta si dhe për dëmshpërblimin nga përmbytjet.
