Ajo që ndodhi ditën e sotme, thuajse në “kronomentrim të saktë” teksa ora shënonte 16.00 tubimeve iu janë bashkuar edhe disa vende, të cilat protestojnë për një kuazë më të gjerë, atë kundër taksave të larta, çmimit të naftës, papunësisë dhe kundër korrupsionit.
Protestat në rrethe nisën dje, nga Kavaja, Lezha dhe Shkodra, për të vijuar edhe përgjatë pasdites së sotme në Kurbin, Dibër, ku me pankarta në duar lëshuan thirrje kundër qeverisë, ndërsa protesta ka përmbajtje ekonomike. Shumë prej tyre janë familjarë që kanë një biznes të vogël, duke lëshuar edhe thirrje ‘Rama ik, Rama ik!’.
Të njëjtën gjë kanë bërë banorët e Fierit të cilët kanë dalë në rrugë duke kundërshtuar taksat e larta, tarifën e lartë të karburantit dhe çmimit e lartë të energjisë. Qytetarët e Fierit kërkojnë uljen e tyre, pasi kushtet ekonomike të familjeve të tyre po vështirësohet çdo ditë e më shumë. Taksat e larta rrezikojnë mbylljen e biznesit të vogël në Fier, burimi kryesor ekonomik dhe punësimi për shumë prej familjeve protestuese.
Pas Fierit, protesta nisi edhe në Vlorë, ku qytetarë dolën në rrugë, duke kundërshtuar taksat e larta apo tarifat e energjisë të ujit dhe karburantit. Po ashtu në Shkodër, Elbasan, Mallkastër, Durrës janë bllokuar asket qëndrore të rrugëve me thirrje kundër qeverisë dhe kërkesa për uljen e çmimit të naftës.
Edhe ditën e nesërme priten bllokimet e akseve kryesore rrugore në të gjithë rrethet e vendit, si shenjë proteste jo vetëm në mbështetje të studentëve që kanë ‘rrethuar Tiranën” por për çdo padrejtësi në dëm të qyetarëve, korrupsionit të madh qeveritar dhe çmimeve të rritura të naftës, ujit dhe energjisë.
