Pas Ministrisë së Arsimit dhe Zogut të Zi, fronti i tretë i protestës së studentëve mbrëmjen e sotme është Kryeministria.
Një grup studentësh kanë marshuar në këmbë nga Ministria e Arsimit dhe po protestojnë përpara zyës së Edi Ramës. Ata janë ulur këmbëkryq në Bulevard dhe kanë paralajmëruar se do të kalojnë natën aty.
Në një kohë kur poshtë zyrës së tij dëgjohen thirrje të forta nga të rinjtë për plotësimin e tetë kërkesave, vjen një tjetër reagim nga kryeministrit Edi Rama. Përmes një postimi në Instagram, Rama ironizon PD dhe LSI si dhe kryeopozitarin Lulzim Basha, duke e cilësuar ‘artist’.
“Ah, tani që çunat e pdLSI s’duruan dot më tek Ministria e Arsimit dhe u ndanë nga studentët e nga pedagogët e pa maskuar e pa parti, doli Artisti t’i përshëndesë”, shkruan Rama.
Pak çaste më vonë kreu i qeverisë ka reaguar në Tëitter, ndërsa theksoi se ai është me studentët, ndërsa shtoi se protestuesit u përçanë.
“Ju mbytën me presionin kundër Dialogut se do ju përçaja unë,po tani kush ju përçau?! Mos e vrisni mendjen,unë jam me studentët jo me maskat e lsiPD dhe s’ju le në baltëJo ato pikat, po shumë më tepër se aq do bëjmë së bashku. Me të nisur Dialogun, s’ndalemi më #përUniversitetin”, pohon Rama.
