Kryetari i Gjykatës Kushtetueses, Bashkim Dedja, kaloi me sukses në “sitën” e Vettingut, në vendimin e dhënë nga Komisioni i Pavarur i Kualifikimit, por Institucioni i Komisionerit Publik, me kërkesë të Operacionit Ndërkombëtar të Monitorimit, e ankimoi vendimin në KPA.
Këtë të mërkurë do të zhvillohet edhe seanca në Kolegjin e Posaçëm të Apelimit ndaj kryetarit të Gjykatës Kushtetueses, Bashkim Dedja.
Trupi gjykues i caktuar me short është i përbërë si më poshtë: Kryesues: Ardian Hajdari; Relator: Luan Daci; Anëtarë: Albana Shtylla, Natasha Mulaj, Rezarta Schuetz.
Ndërkohë që KPA ka caktuar edhe datën për seancën e rivlerësimit të gjyqtarit të shkarkuar nga KPK, Artan Zenelaj, e cila do të jetë më 09 janar 2019.
