Burime për ‘Fax News’ studentët e Elbasanit janë bllokuar të nisen drejt Tiranës pasi policia ka bllokuar autobusët e linjës .
Por kjo duket se nuk i ka ndaluar studentët pasi ata kanë marrë vendim për t’u nisur në këmbë drejt kryeqytetit për t’ju bashkuar protestës së madhe para Ministrisë së Arsimit. Për shkak të thirrjeve të studentëve dhe bllokimit të trafikut janë sjellë dy autobusë për të marrë studentët. Vetëm se numri i studentëve që duan ti bashkohen Tiranës është më i madh.
Por nevojiten të paktën 8 autobusë për transportin e studentëve. Një drejtues autobusi në konfidencialitet ka pohuar se shoferët kanë frikë të vijnë për të marrë studentët.
Ndërkohë student nga Korça më herët por edhe nga Durrësi janë nisur drejt Tiranës për t’ju bashkangjitur protestës.
Gjithashtu edhe studentët e Universitetit Bujqësor janë nisur në këmbë drejt Ministrisë së Arsimit.Protesta e studentëve ka nisur dhe në Vlorë.
