Policia e Tiranës njofton për bllokimin e disa akseve rrugore dhe masat e marra në kuadër të ndeshjes së futbollit ndërmjet ekipeve Tirana – Partizani, e vlefshme për Kampionatin Kombëtar të Futbollit, Kategoria Superiore, e cila do të luhet nesër në orën 18:00 në Stadiumin Kombëtar “Qemal Stafa”.
Policia njofton tifozët që në stadium nuk do te lejohen të futen bidona uji, çakmakë, monedha çelsa metalik,sende te tjera te forta.
Duke filluar nga ora 12:00 deri në përfundim të ndeshjes do të bllokohen rrugët, “Dervish Hima”,”Faik Konica”, “Papa Gjon Pali II” dhe rruga “Lekë Dukagjini” në segmentin hyrës të Sheshit Italia.
Gjithashtu ,do të ketë kufizime dhe bllokime nga ora 15:00 deri në orën 17:30 në rrugën “Dritan Hoxha” nga Pallati i Sportit “Asllan Rusi” – Sheshi “Karl Topia” – Rruga “Muhamet Gjollesha” deri në kryqëzim me Rrugën “Myslym Shyri”.
Policia sqaron se do të ketë kufizim të qarkullimit në akset rrugore si: “Rruga “Myslym Shyri” deri në kryqëzim me Rrugën “Sami Frashëri” – Rruga “Sami Frashëri” deri në kryqëzim me Sheshin “Wilson”, rruga “Abdul Frashëri” – rruga “Ibrahim Rugova” mbas Presidencës, rruga e “Durrësit” në kryqëzim me Sheshin “Skënderbej” – Sheshi “Skënderbej” – Rruga “28 Nëntori” – Rruga ” Giorg W. Bush” – Ura e Rrugës së “Elbasanit” – Bulevardi “Bajram Curri” deri në Kryqëzim me Rrugën “Papa Gjon Pali i II” – Rruga ” Papa Gjon Pali i II” deri tek Stadiumit Kombëtar “Qemal Stafa”.
